ساعدوني مطلوب عاملة نظافة او شغالات منازل ده كان عنوان ظهر في احدي ليال الحظر الحزينة ل event على صفحات السوشيال ميديا وخاصة في Face book جلسة ميتنج على برنامج zoom الشهير ، كنوع من أنواع الفضول الطبيعي لدى السيدة أمينة بعد يوم عاصف من الأعمال المكتبية حيث انها صاحبة مكتب لأعمال الماركتنج والدعاية الإلكترونية، وبعد قضاء أعمالها المنزلية أخيراً سترتاح قليلاً .. ضغطت على event علشان تقرا الدسكربشن لتقرر أنها بعد ذلك تعمل going … ..
ساعدوني مطلوب عاملة نظافة
عناوين المقالة
الساعة 10 مَسَاءَا اتبعت لينك الاجتماع على الايفنت وبدأت السيدات تدخل، ومنهم طبعاً أمينة، ظهر راجل منمق وعرف نفسه للسيدات وبدأ كلامه :
أنا اسمي محمد السيد، باحث اجتماعي ، وشغال في بحث طالب فيه مساعدتكم ولان البحث موضوعه غريب كان لازم اعمل لفه غريبة، أنا كتبت فالدسكربشن أني أنا سيدة بدور على عاملة ” شغالة ” ف عايزة نصايحكم ” بس الحقيقة أنا عايزة اعرف ايه المشاكل اللي وجهتوها مع الشغالات عندكم في العموم.
بعد الهمهمات والتقسيمات قالت إحدى السيدات “انا كانت عندي شغالة من 7 سنين، الشغالة دي كانت مش كبيرة ومش صغيرة ، المهم طبعاً لاحظتها في اول كام يوم كانت جميلة وبتسمع الكلام، لكن بعد كده ظهرت العيوب بتاعتها وانا شيفاها من وجهة نظري عيب خطير جداً، وهي “الإسراف “.. الإسراف في كل حاجة، حرفياً مصاريف اللي كانت بتعملها كانت اكبر من مرتبها 10 اضعاف، وطبعاً الوضع كان صعب لاني انا مش جايبة حد اديله مرتب علشان يساعدني يروح مزود فيها، بس علشان اكون صادقة هي كانت عندها أمانة.
ردت سيدة على قرابة ال 50 من عمرها، وقالت:
ايوة يا هانم الأمانة دي أهم حاجة واهم صفة لازم تبقي موجودة عند خدامات البيوت، لأن انتي بتسبيها وتنزلي وتروحي شغلك وتعملي باديكير ومانيكير ومشاوير بالساعات برة البيت ومتعرفيش هي ممكن تعمل ايه من وراكي ؟!! عندك مجوهراتك وفلوسك ..طبعاً مافيش بيت من بيوتنا بيخلي من الحاجات دي، هي ممكن تسرقهم، ده اللي حصل مع ناظلي هانم صحبتي، اتسرقت من بنت جبتها عندها واتفقت مع حرامي نفضوا كل البيت وهي كانت بتحاول تساعدها للأسف وعلشان كده انا قررت اني مجبش خدامات ولا شغالات .
بصوت مهتز وناعم للغاية قالت شابة في العشرينات : احنا كان عندنا شغالة كانت بنت مش عارفة اقولهلكم ازاي، بس كانت بتعمل حركات مش ولابد، لحد ماقفشتها مع خطيبي 🙁 طلع ميستهلش النعمة اللي ربنا كان هيبعتهاله، يالله ربنا بقي يولع فيهم هما الاتنين اصلهم اتجوزوا !
واجهشت الشابة بالبكاء فوراً، وطبعاً خلي باقي السيدات تواسها بكلام كتير.
قاطعتهم سيدة اخري وقالت بصوت عالي جداً لفت انتباه كل الحضور، الاهمال، الاهمال اكبر مشكلة عند الشغالات والخادمات سواء كانت اجنبية او مصرية ، كانت عندي بنت مش فاهمة بتعمل ايه صح ولا غلط ولما اسألها ليه عملتي كده ليه تقولي ” وايش دراني ” بصوت منى ذكي …
مرة قولتلها انا عايزك تنضفي البيت كويس عندنا ضيوف جايين، عارفين عملت ايه ؟ كنست التراب وحطته تحت السجادة ، اللي هو مافرقتش عني حاجة …اوووه سوري يعني ياجماعة ما انا مش بعرف انضف ودي مهمتها .
بعد وصلة من الضحك والإيماءات والاشارات ردت سيدة وقورة وقالت :لا انا عندي مشكلة غريبة واجهتها مع عاملة نظافة كانت على نيتها جداً وشكلي كنت اول حد تجي تساعده في البيت، البنت دي كانت دايماً تقعد تكلم نفسها وتدعي اننا نحب شغلها ومنطردهاش. طبعاً احنا مش هنمشيها طول ما هي بتعمل اللي عليها، بس اللي مكنتش اعرفة انها جايبة معها بخور حد قالها عليه انها تفضل تبخر الشقة علشان احنا نبقي راضين عليها، هي البنت دي لسه مستمرة معايا بس الفكرة انهم بيبقي عندهم خرفات وممكن توصل لحاجات تانية
السيدة أمينة اتشجعت تحكي عن تجربتها مع عاملات المنازل وقررت تتكلم وقالتلهم:
انا امينة عندي مكتب وعيلة وعلشان اعرف اوازن حياتي قررت اني اجيب شغالة في البيت تساعدنا .. جبت واحدة قالتلي عايزة المبلغ الفلاني … قولت ماشي، وفضلت بس كانت طول اليوم الموبايل على ودنها مش بيفارقها رغاية جداً، نبهتها مرة واتنين، سابت الموبايل، بس شوية ولاقيت النت عندي بهنج ويقطع ،ليه ؟!! اتاري الهانم فاتحه قنوات بث مباشر ويوتيوب وخرباها، طبعاً مشتها، جبت واحدة تانية قالتلي عايزة اخد المبلغ كذا، تقريباً ده كان مبلغ مدير المكتب اللي عندي، جبت واحده تالتة ملقتهاش نضيفة في شغلها، قولت اجيب الشغالة الاجنبية ،جبتها وقعد معايا اسبوع وهربت … انا مش عارفة بقي العيب عند مين .
تنهد محمد السيد بعد سماع كل المشكلات اللي السيدات قالتها، وابتدي يفكر في حل و ازاي يساعدهم، احنا هنا عندنا الحل في رويال سيرفيس عندنا سير ذاتية لشغالات وخادمات وعاملات ومساعدات في البيت وبجنسيات مختلفة، لما بتجلنا بنقدملك ملف بيكون مكتوب فيه مرتبها واجزتها وطبعاً بنكون وسيط مضمون لأن كل المشكلات دي واكتر منها حاولنا بكل جهدنا نتلافاها ونبعد عنها وبفضل الله نجاحنا ،فوجودنا هنا اننا نساعدك ونساعد الاستاذة أمينة وكل اللي زيها .
